المكان هذا لـ تدويناتي صح !!
يعني أخمبق فيه على كيفي .. ومحد يشره ..!
يعني أخمبق فيه على كيفي .. ومحد يشره ..!
اشياء كثير ودّي أحشرها بـ سالفه وحده علشان أحس اني دوّنت شي يستحق الإطلاع < مين قال زوله !! =P
لكن كل مرّه القى نفسي مسترسله بالسوالف لدرجه ان الموضوع يتشعب ثمانميّه وخمس وستين شعبه !!
يمكن هو تشتت ذهن .. ولا فهاوه .. والأحرى انه هواجيس .. =$
على طاري الهواجيس .. آآآه يالهواجيس !!
أنا آدميه تمارس الهواجيس زي التنفّس !
اللي يشوف هالكم الهائل من التتنيحات وطقّ الهاجوس يقول هذي على قلبها هموم تهد الجبال ..!
والحقيقه اني من جنبها ..
عادةً انا ماألاحظ على نفسي الا اذا صالح ( حفر كتفي من التنغيز ) .. ولآ أمي نادتني بعالي الصّوت .. ولآ حمد ( دبجني ) بكل حُب علشان أركّز مع سالفته ..=P
عادةً انا ماألاحظ على نفسي الا اذا صالح ( حفر كتفي من التنغيز ) .. ولآ أمي نادتني بعالي الصّوت .. ولآ حمد ( دبجني ) بكل حُب علشان أركّز مع سالفته ..=P
لكن مرّه اسولف مع امّي .. ومتحمسّه انا بالسالفه لأنها شي مرّه خطير < اول مره بحياتي أقول شي يستدعي هالكم الهائل من الإنتباه ..=$
المهم وانا في عمق السالفه قعدت اهوجس وسحبت على امّي ( تنّحت بالعربي )
أمّي سكتت تحسب إني أتذكر شي من الأحداث ولا شي !
بس طولت وانا متنحه مما أستدعاها انها تلمس وجهي لـ تتأكد انا للحين بالبيت ولا وصلت لآبعد مكان بالدنيا ! =P قال ايوه وش صار كملي ! خلصت السالفه ؟
بس طولت وانا متنحه مما أستدعاها انها تلمس وجهي لـ تتأكد انا للحين بالبيت ولا وصلت لآبعد مكان بالدنيا ! =P قال ايوه وش صار كملي ! خلصت السالفه ؟
انا : هآآآآهـ وش كنت اقول !!
< مايحتاج أوصف وجه أمّي وهي منصدمه .. بل منصعقه !! O_O
< مايحتاج أوصف وجه أمّي وهي منصدمه .. بل منصعقه !! O_O
وقالت مقولتها الشهيره ( يالله يارب ترزقنا على كثر ماتهوجس هالبنت ) ='(
الظاهر ان استجيبت هالدعوه يبي يجيها ثروه مهوب رزق > =P
عادةً الإنسان يهوجس ويمسك خط اذا كان أحد يسولف عليه / أو قاعد بمحاظره كئيبه ( ياما نزلت راسي بالمحاظرات .. وغطيت بأحلامي ) أو أضعف الإيمان اذا كان واحد سامج يسولف على راسك ومستحي تقول له Shut up ..!!
الظاهر ان استجيبت هالدعوه يبي يجيها ثروه مهوب رزق > =P
عادةً الإنسان يهوجس ويمسك خط اذا كان أحد يسولف عليه / أو قاعد بمحاظره كئيبه ( ياما نزلت راسي بالمحاظرات .. وغطيت بأحلامي ) أو أضعف الإيمان اذا كان واحد سامج يسولف على راسك ومستحي تقول له Shut up ..!!
لكن انا " اللهم ثبتني على طريق الحقّ " اهوجس و أنا أسولف !!؟ O_Oمتأكده ان الموضوع أكبر منه انه هاجس فقط ..=$ < تبي تسوي قضيه =P
أحياناً أمّي تقول بعرض حالتك على طبيب يشوف وش المشكله !
يمكن فيه مشكله مزمنه بالمخ خاصةً ( منطقة التجميع ) هذي متأكده ان فيها خلل .. بس الله اعلم إيش ! =$
يمكن فيه مشكله مزمنه بالمخ خاصةً ( منطقة التجميع ) هذي متأكده ان فيها خلل .. بس الله اعلم إيش ! =$
- من العادي جداً أقعد بغرفتي يوم كامل بدون اي شي =$
يكفي .. بال منشرح .. وكميه غير محصوره من الهواجيس .
يالله عاد طوّلت , فوّتكوا بـ عافيه .. ♥
تمّ التدوين
السّبت , الساعه 10,24 , راجعه من الدوام وسحبتها نومه وراح علي الموعد حق البريسز ="(
الشي الوحيد الحلو باليوم إنّي أختبرت وخلّصت من الفوناتكس .. همّ وإنزاح . =")
الشي الوحيد الحلو باليوم إنّي أختبرت وخلّصت من الفوناتكس .. همّ وإنزاح . =")
ليست هناك تعليقات:
إرسال تعليق