|[ رمضَان أحيَانا .. رمضَـــان ..!

..



بأول يوم من أيام هذا الشّهر الفضيل ..
أدرك إنه شهرّ حيّ ..
و باقي شهور السنه يغلب عليها الروتين ومافيها حياة ..

رمضَان حيّ ..
بيتنَا بالنهار حيّ ..
المطبخ حيّ .. و حيّ جداً !
غرفتي تنتعش وتحيا ..

كُل شيء فيه يُثبت على الحياة , ولاشيء غيرها ..



رمضَان يحييّ فينا كُل شي ميّت ..
السوالف !!
بأيام العطله العاديه يمرّ كم يوم ماشفت أخواني !
و إن شفتهم على اغلب خلال المشاوير .. وبدون سواليف !
أنا ملتهيه .. و هُم ملتهين ..
لكنّ رمضَان الحيّ .. يربطنا ببعض أكثر .. يقربنا .. يذكّرنا إننا إخوه نتشارك كل صغيره و كبيره ..
نسولف مع بعض .. نسكّت بعض .. نصرخ على بعض .. نذكر ميزات بعض .. و عادي نشرشح بعض ..
على السُفره .. و غير السُفره ..


رمضَان حيّ ..
حتى الشوارع تحيا فيه .. قبل صلاة العشاء و من بعدها .. حيااااااااة غير مُمله , متجدده , منتعشه / ومحببه للقلوب " خصوصاً قلبي " ..
يااااه يارمضَان .. روحانيتك حياة لوحدها ..


رمضان حيّ ..
يحيي أرواحنا .. بالصلاة ..
نصّلي لله , نصلّي سعادةً بهذه الصلاة , نصلي راجين قُرباً منك يا الله ..
الصلاةْ مع جدّتي .. و أمّي / أقف بينَ جنّتيّ وأطلب من الله جنّه ! و يااااهـ كم اطمعُ بالمزيد ..


رمضَان الحيّ ..
حيّ بـ كُل نسماته ..
حيّ بـ مسائاتِه المُشرقه و صباحَاته العذبه ..
حيّ بـ قُرب الله الينا ..

* تسجيلْ حياة , أرجو أن لا تنقطِع